لو ظهرت اي علامه من العلامات دي على طفلك بلاش تجاهل

لو ظهرت اي علامه من العلامات دي على طفلك بــــــــــــــــــــــــــــــلاش تجاهـــــــــــــــــــل ……
البوست ده هنحاول نجمع فيه العلامات التحذيرية اللى تخليك تتوجه لطبيب المخ وأعصاب الاطفال فورا …
بـــلاش تطنش … لو المدام كان عندها مشاكل فى الحمل او كنت بتسخن كتير او كانت بتاخد ادوية بصفة مستمرة او اتعرضت لاشعة او مواد مسممة .
بـــلاش تطنش .. لو الطفل اتولد قبل معاده او نزل ناقص العمر الرحمى او كانت ولادة متعثرة واتزنق او اتاخر على ما خد نفسه وازرق لفترة طويلة بعد الولادة
بـــلاش تطنش …لو طفلك بعد الولادة حصله صعوبة فى التنفس ونهجان مستمر واحتاج دخول الحضانة او اتحط على جهاز تنفس صناعى
بـــلاش تطنش … لو ابنك جاتله الصفرا بعد الولادة مباشرة او جاتله فى اليوم الثالث بعد الولادة بس كانت عالية لدرجة انه احتاج حضانة .
بـــلاش تطنش …. لو ابنك رضاعته ضعيفة او بينام اكتر من اللازم او مبيفوقش معاك لما بتصحيه .
بـــلاش تطنش ..لو طفلك بيعيط باستمرار مع انه بيرضع كويس وبيشيع واديتله دوا المغص وعملتله كل حاجة وبرضو مبيبطلش عياط .
بـــلاش تطنش .. لو طفلك بقى عنده 3 شهور ولسه مش بيصلب راسه او بيتخض بشكل ملحوظ .
بـــلاش تطنش … لو ابنك بقى عنده 4 شهور ولسه مش بيسند على رجليه لما بتوقفه او دماغه بتغلبه او مبيضحكش لما بتضحكه
بـــلاش تطنش …لما طفلك يبقى عنده 6 شهور ولسه مبيقعدش ولا بيضحك بصوت ولا بيميز مامته وكمان اهتمامه بالاشياء قليل ومش بيحاول يمسك حاجة لو حطيتها قدامه .
بـــلاش تطنش ..لو طفلك بقى عنده 8 شهور ومش بيزحف ولا بيلاغى ولا بيقول بببا وممما وبيضحك لكل الناس حتى اللى اول مرة يشوفهم او مش بيلتفتلك لما تنده عليه باسمه
بـــلاش تطنش … لو طفلك بقى عنده 10 شهور ولسه مبيقفش لوحده ويسند على الحاجات ويبدأ يتحرك
بـــلاش تطنش… لو ابنك بقى عنده سنة ومش بيمشى لوحده او على الاقل بيمشى وانت سانده بايد واحدة ومش بينطق ولا كلمة
بـــلاش تطنش …لو ابنك بقى عنده سنة ونص ومش بيمشى كويس وبيطلع السلم لوحده او وهو ساند بايده وبيتكلم على الاقل 15 كلمة وعارف اجزاء جسمه وبيشاور عليها .
بــلاش تطنش لو ابنك عند السنتين ولسه مش بيجرى او بيكون جمل من كلمتين او كلامه قليل
بـــلاش تطنش … لو ابنك فى اى مرحلة عمرية فقدد المهارات اللى اكتسبها قبل كدة (كلامه قل بعد ما كان بيتكلم كويس ,, مبقاش يمشى كويس زى الاول ,,, تفاعله قل مع اللى حواليه )
بـــلاش تطنش .. لو ابنك جاله تشنجات فى اى مرحله من العمر حتى لو كانت تشنجات حرارية
بـــلاش تطنش…لو ابنك جاله حرارة شديدة ومعاها دروخة او اضطراب فى درجة الوعى وبعد كدة بدأ يفقد بعض المهارات اللى كان بيقدر يعملها .
بـــلاش تطنش لو ابنك وقع او اتخبط او وقع على دماغه وبعد كدة قعد يرجع وبعدها بدا يفقد بعض وظائف لاجزاء من جسمه .
بــلاش تطنش … لو لاحظت اى سلوك غريب عند ابنك او حركات لا اراية بيعملها بصفة مستمرة ..
بــلاش تطنش .. لو طفلك بقى عنده فوق السنتين ومش بيتحكم فى البراز او بقى عنده 3 سنين ولسه بيعمل حمام على نفسه بالنهار او بقى فوق ال 5 سنوات ولسه مش بيتحكم فى البول بالليل
بـــلاش تطنش .. لو ابنك بقى عنده سنتين ونص ومش بيتكلم بطلاقة او كلامه ضعيف
بـــلاش تطنش لو ابنك مستواه الدراسى ضعيف او كل سنة بيبقى أأقل من السنة اللى قبلها
بـــلاش تطنش لو ابنك دايما يشتكى من صداع مستمر
بـــلاش تطنش لو ابنك بيصحى مفزوع بالليل او بيتحرك وهو نايم او بيصحى بالليل يعمل حاجات او يتحرك ولما يصحى ميفتكرش اللى عمله او دايما يصحى كل يوم من النوم مدروخ ومش قادر يتحرك بالرغم من انه نايم عدد ساعات كافية .
لو فى اى حاجة غريبة ملاحظها على طفلك فى اى وقت بلاش تطنش او تكسل وبلاش نختلق الاعذار واتوجه لطبيبك واستبعد الاسباب والحالات المرضية الاول علشان منرجعش نندم بعد كدة ونقول يا ريتنا كنا خدنا بالنا او مستنيناش عليه كل ده .