الفرق بين عقل الراجل وقلب المرأة زي الفرق بين الارض والمريخ

الفرق بين عقل الراجل وقلب المرأة زي الفرق بين الارض والمريخ ..
يا ناس ربنا خلقنا مختلفين علشان كل واحد فينا له طبيعه خاصه تخليه يقدر يتحمل مسئولياته ويكمل اللي محتاجه الطرف التاني مش علشان نتخانق ..
ربنا خلق ادم عقله بيغلب قلبه .. بس والله خلق له قلب علشان القلب مهم
ربنا خلق حواء قلبها بيغلب عقلها .. بس والله خلق لها عقل علشان العقل مهم
حط شوية قلب على عقلك يا آدم .. حطي شوية عقل على قلبك يا حواء
والله هتتقابلوا في منطقه جميله فيها الراحه والسعاده
ست عاقله رغم حبها الكبير مع راجل عنده قلب رغم عقله الكبير هي دي المعادله اللي مبينجحش في جوازه الا اللي يعرف يحققها ..
ولو نصها بس اللي متحقق بتبقى جحيم على اللي حققه ومستنى النص التاني من الطرف التاني
ست عاقله مع راجل مهمل وبخيل في مشاعره .. جحيم
وراجل عنده احساس وقلب مع ست عقلها صغير وحبها عاميها وغيرتها غالبه عقلها .. جحيم
والله لو فهمتوا كده كل المشاكل هتتحل ..